Ministrja e Shtetit për Marrëdhëniet me Parlamentin, Elisa Spiropali, ka reaguar në lidhje me ngjarjen e trishtë të ndodhur ditën e sotme në fshatin Potam të HimArës, ku një dRjetues i Policisë ka goditur me gomone një 7-vjeçare, e cila ka humbur jetën.
Me anë të një postimi në FacebooK, Spiropali u shpreh se vogëlushja ka humbur jetën nga papërgjegjshmëria, ndërsa ka kërkuar hetim të shpejtë dhe të drejtë.
Postimi:
Ngjarja tragjike e Potamit na ka tronditur dhe lënduar të gjithëve.
Një vajzë shtatë vjeçare humbi jetën e përplasur barbarisht nga një gomone.
Nesër ajo mund të ishte muzikante, shkrimtare, politikane, mjeke, apo edhe thjesht bijë e një nëne dhe prind fëmijësh.
E vrau papërgjegjshmëria. E vrau dalldia. Ia preu në mes jetën krimi i dikujt që moskontrolli i vetes e shndërroi nga polic, në vrasës.
Nxis një hetim të shpejtë dhe të drejtë.
Hetim që jo thjesht të dënojë shkaktarin e një krimi kaq makabër, por edhe të dëshmojë se vepra të tilla kriminale do të dënohen me rreptësinë më maksimale të ligjit.
Të gjitha institucionet e sigurisë duhet të ngrihen në këmbë që kjo ngjarje e rëndë të mos përsëritet kurrë dhe askund në bregdetin tonë.
Lutem per shpirtin e Saj të pafajshëm.
Ngushëllime familjes, edhe pse si nënë e dy fëmijëve të mitur e di se sot prindërit e vajzës janë të pangushëllueshëm.
Dhimbja e tyre qoftë një klithmë për të gjithë ne që tragjedi të tilla të mos ndodhin kurrë më.
and then