Tifozët e Partizanit sot kanë qenë shumë të pafat. Ata ishin organizuar si zakonisht që të ndiqnin ndeshjen e skuadrës së tyre në një transfertë të vështirë si ajo ndaj Kukësit. Grupimi “Ultras Guerrils” kishte përgatitur si zakonisht udhëtimin me autobus dhe ishte nisur në kohë për të mbërritur në startin e sfidës.
Por gjatë udhëtimit ka ndodhur një e papritur, pasi autobusi me të cilin udhëtonin është prishur. Për këtë arsye, tifozët kanë humbur pjesën e parë të sfidës mes skuadrës së tyre dhe Kukësit.
Një fat i keq për ta, duke pasur parasysh se nuk shijuan dy golat e Stenio Zhunior, traversën e brazilianit apo edhe shtyllën e Skukës në një pjesë të parë të dominuar thuajse plotësisht nga ekipi kryeqytetas.
Arena e Lajmit
