Ndryshime në Polici, lëvizin drejtorët në Durrës e Dibër, ja emrat

Ndryshime në Policinë e Shtetit. Gazetari Igli Çelmeta raportoi për “BalkanWeb” se Skënder Hita është emëruar Drejtori i Policisë së Durrësit.

Hita deri tani mbante postin e Drejtorit të Policisë së Dibrës dhe në Dibër është emëruar Drejtor i Policisë Dhimitraq Ziu.

Ky i fundit mbante deri tani postin e zv.drejtorit për Rendin në Durrës. Këto janë ndryshimet e para të drejtuesve pas marrjes së detyrës nga drejtori i ri i Policisë së Shtetit Muhamet Rrumbullaku.