Dy persona kanë mbetur të lënduar nga aksidenti i ndodhur mëngjesin e sotëm në aksin Lezhë-Shkodër. Në pamjet e siguruara nga gazetari Elidon Ndreka për “BalkanWeb” shihet se si makina ka dalë nga rruga dhe pas rreth 200 metrash ka ndaluar në arë.
Jastëkët e ajrit janë hapur, xhamat janë thyer, por fatmirësisht tre personat që udhëtonin me makinë kanë arritur të shpëtojnë me disa plagë. Policia ka kryer veprimet hetimore në vendin e ngjarjes për zbardhjen e plotë të shkaqeve të aksidentit.
