Kristiano Ronaldo duket gjithmonë e më pranë një largimi nga Junajtid, me portugezin që në ditën e sotme nuk është paraqitur në grumbullimin e skuadrës për të përgatitur sezonin e ri.
Në komunikatën zyrtare të klubit, mungesa e 37-vjeçarit është justifikuar me arsyen e disa problemeve familjare për të cilat Ronaldo i ka kërkuar leje klubit. Kjo formë justifikimi është e njohur në këtë periudhë të merkatos si një nga mënyrat më të përdorura për të fshehur problemet mes klubeve dhe futbollistëve që kërkojnë të largohen.
Mungesa e Ronaldos në stërvitjen e sotme, e cila do të jetë e para me teknikun e ri tregon idetë e qarta të portugezit që duket se nuk e mendon veten si pjesë të skuadrës për sezonin e ardhshëm.
Arena e Lajmit
Loading…
Loading…