Armando Dobra shihet si një nga talentet premtues të Shqipërisë dhe një lojtar i cili ka të ardhme edhe në radhët e përfaqësueses A. Por do të jetë e vështirë që ta shohim në një të ardhme shumë të afërt me fanellën e saj pasi do të jetë e vështirë që të grumbullohet në këtë ekip një lojtar i cili sapo ka firmosur në kategorinë e pestë në Angli.
Mesfushori i cili ka qenë titullar në radhët e përfaqësueses Shpresa në dy edicionet e fundit, i ka dhënë sot lamtumirën klubit të Ipsuiç duke prishur me marrëveshje kontratën me këtë skuadër, për t’iu bashkuar klubit të Çesterfilld në National League, kategoria e pestë në Angli.
Dobra ka firmosur për dy vite me klubin ku pritet të ketë një fanellë titullari dhe ku objektivi është ngjitja në League Two sa më parë. Ai ka luajtur dy sezone me skuadrën e Ipsuiç, duke u aktivizuar në 22 ndeshje me këtë ekip; ndërsa në edicionin e fundit ishte huazuar te Kolçester, ku luajti vetëm 11 ndeshje, duke shënuar edhe një gol.
Arena e Lajmit
Loading…
Loading…
and then