Merr fund kërkimi thuajse dymujor për mësuesen e jogës Keitlin Mari Armstrong. Ajo është arrestuar në Kosta Rika ku ishte arratisur pas akuzave për vrasjen e çiklistes profesioniste Ana Mariah Uillson.
Një histori që mbetet ende e pazgjidhur por që mendohet se ka bazat te xhelozia pasi të dyja kishin frekuentuar në të kaluarën çiklistin profesionist amerikan, Kolin Strikland.
Ana Mariah Uillson u gjet e vdekur në një apartament në Ostin, Teksas, si pasojë e plagëve të shumta që kishte marrë pasi ishte qëlluar me armë zjarri. Menjëherë u dyshua se autorja kishte qenë mësuesja e jogës Keitlin Mari Armstrong, e cila u arratis dhe u shpall në kërkim ndërkombëtar. 34-vjeçarja u filmua një javë më vonë teksa hipte në një avion për në Kosta Rika dhe kërkimet për të nisën në vendin e Amerikës Qendrore.
Ajo më në fund u arrestua dhe u depërtua në SHBA, ku do të merret në pyetje dhe gjykohet për ngjarjen që mendohet se ka zanafillën në xhelozinë për Strikland. Armstrong dhe Strikland kishin qenë një çift dhe ishin ndarë në fundin e vitit 2021, me 25-vjeçaren Uillson që kishte hyrë në skenë si shoqëruesja e re e çiklistit. Strikland insistoi në intervistat që dha pas ngjarjes tragjike se nuk kishte një lidhje mes të dyve, por dyshimet janë që ata mbeteshin ende një çift që takoheshin shpesh, ashtu siç kishte ndodhur edhe në ditën ku më pas u Uillson u qëllua për vdekje. Kjo e fundit kishte udhëtuar drejt Teksasit për të marrë pjesë në një garë.
Arena e Lajmit
Loading…
Loading…
and then