Pas vendimit të qeverisë për të ndërprerë marrëdhëniet me Iranin, ambasadës së këtij vendi në Tiranë i është dhënë një afat 24 orë për t’u larguar nga Shqipëria.
Kryeministri Edi Rama tha në një deklaratë për mediat se “Këshilli i Ministrave ka vendosur me efekt të menjëhershëm ndërprerjen e marrëdhënieve diplomatike me Republikën Islamike të Iranin.
Ky vendim i është bërë të ditur me notë zyrtare ambasadës së Iranit të cilës i është kërkuar largimi brenda 24 orëve nga territori i Republikës së Shqipërisë i të gjithë personelit diplomatic dhe tekniko- administrativ, përfshirë edhe personelin e sigurisë”.
Sipas tij; “Kjo masë ekstreme aspak e dëshiruar por krejtësisht e detyruar është në proporcion të drejtë me seriozitetin dhe rrezikshmërinë e sulmit kibernetik i cili rrezikoi paralizimin e shërbimeve publike, fshirjen e sistemeve dhe grabitjen e të dhënave shtetërore, vjedhjen e komunikimeve elektronike brenda sistemit qeveritar dhe nxitjen e pasurisë dhe kaosit në vendin tonë”.
Arena e Lajmit