Kreu i Grupit Parlamentar të Partisë Demokratike, Enkelejd Alibeaj ka reaguar mbi zhvillimet e fundit në vend, me qeverinë që ka vendosur sot të dëbojë trupën diplomatike të Republikës së Iranit nga vendi ynë, pas sulmit kibernetik që rrëzoi sistemin e shërbimeve online.
“Në emër të Grupit Parlamentar të PD-së dënoj ashpër sulmin kibernetik të Iranit ndaj Republikës së Shqipërisë”, shkruan Alibeaj në Facebook.
Më tej, ai thekson nevojën e rritjes së sigurisë, duke i bërë thirrje qeverisë të marrë masat e duhura.
Alibeaj gjithashtu falënderon për mbështetjen partnerët strategjikë, duke u ndalur te roli i SHBA-ve në mbrojtjen që i bëjnë Shqipërisë në raste të tilla sulmesh të paprecedenta.
“Me këtë rast i bëjmë thirrje qeverisë shqiptare të rrisë masat e sigurisë për të shmangur ngjarje si ajo e rrjedhjes së të dhënave nga E-albania, duke e nxitur të bëjë investime serioze për sigurinë kibernetike.
Lidhur me zhvillimet e fundit, gjej rastin të falënderoj partnerët tanë ndërkombëtarë, në veçanti SHBA-të për asistencën teknike dhe mbështetjen gjeostrategjike për Shqipërinë në identifikimin dhe në përballjen me sulmin kibernetik të orkestruar nga Irani”,nënvizon ai.
and then