Kur Ndjeni Ethe në Trup – Çfarë Tregojnë për Shëndetin

Ethet na pushtojnë herë pas here në momente krejt të papritura.

Ato mund të shfaqen edhe kur njeriu ka temperaturë por jo gjithmonë ndodh kështu.

Ethet mund të shfaqen për arsye nga më të ndryshmet por edhe si simptomë e disa sëmundjeve.

I tillë është rasti i hipotiroidizmit që shkakton ndjeshmëri të lartë ndaj të ftohurës.

Në këtë artikull të AgroWeb.org do të mësoni për shkaqet e etheve dhe si mund t’i mbani ato nën kontroll.

Kur bën ftohtë, njeriu mund të ketë ethe pa patur temperaturë.

Nëse jeni lagur nga shiu keni ethe sepse trupi prodhon më shumë energji që të përshpejtojë avullimin e ujit nga rrobat.

Njeriu ka ethe edhe kur fryn erë sepse kjo e fundit largon ngrohtësinë në lëkurën e njeriut dhe në rroba.

Problemet me prodhimin e pamjaftueshëm të hormoneve të tiroides i bëjnë njerëzit më të ndjeshëm ndaj të ftohtit dhe më të prirur të kenë ethe.

Në rastin e hipotiroidizmit, ethet shoqërohen me shtim në peshë, plogështi, konstipacion, dhimbje muskujsh e të tjerë.

Ethet janë shenjë e një infeksioni të mundshëm në organizëm.

Në këto raste, ethet janë të parat që shfaqen dhe më pas ndiqen nga temperatura.

Njerëzit që kryejnë aktivitete intensive fizike në të ftohtë vuajnë më shumë nga ethet.

Kjo ndodh sepse kur njeriu kryen aktivitet fizik, organizmi prodhon më shumë nxehtësi.

Në momentin që njeriu mbaron aktivitetin fizik do të ketë shumë ftohtë.

Ethet dhe ndjesia e vazhdueshme e të ftohtit është një nga simptomat e anemisë.

Kjo sëmundje shfaqet si pasojë e ushqyerjes së keqe, sëmundjeve, medikamenteve dhe moshës.

Anemia prek më shumë gratë se meshkujt.

Nëse ethet ju pushtojnë pas ekspozimit në të ftohtë ose shfaqen përpara temperaturës, atëherë nuk është e nevojshme të shkoni tek mjeku.

Nga ana tjetër, nëse keni ftohtë kur temperaturat janë të larta apo edhe pse jeni veshur trashë, atëherë kemi të bëjmë me një problem të fshehur mjekësor i cili mund të diagnostikohet nga mjeku./AgroWeb.org