U hoq si shtetas grek në Itali, 42-vjeçari shqiptar bie në kurthin e karabinierëve, zbulohet se kishte 14 pseudonime dhe precedentë të shumtë

Një 42-vjeçar shqiptar është ndaluar nga karabinierët e Verbanias pasi rezultoi me dokumente të falsifikuara dhe pas tyre një histori e tërë.

Në fakt, rreth orës 20 të mbrëmjes së djeshme, të mërkurën e 26 tetorit, një patrullë ndaloi në qendër të Gravellonës një makinë të vogël që drejtohej nga një burrë.

Nga konfirmimi i parë ai u deklarua shtetas grek dhe u tregoi karabinierëve një leje drejtimi dhe kartë identiteti greke. Megjithatë, karabinierët vendosën të hetojnë më tej, fillimisht për mjetin, i cili ishte i regjistruar në emër të një personi me 41 makina të tjera të regjistruara.

Përveç kësaj, diçka për identitetin e burrit nuk rezultoi, kështu që një nga karabinierët për ta vënë në provë, duke përdorur aplikacionin e përkthimit të celularit të tij, shqiptoi disa fjalë greke të cilave burri duhej t’u përgjigjej. Megjithatë ai dukej krejtësisht i paditur për kuptimin e tyre duke mos reaguar në asnjë mënyrë. Për më tepër, edhe një ekzaminim i parë i dokumenteve bëri që të dyshohej vërtetësia e tyre.

Pasi u dërgua në kazermë dhe iu nënshtrua hetimeve, i vetëquajturi helen rezultoi të jetë shtetas shqiptar me 14 pseudonime dhe precedentë të shumtë për krime kundër pronës. Dokumentet false u vërtetuan edhe nga ekspertiza, i arrestuari u dërgua në burgun e Verbanisë.

Më tej, mëngjesin e sotëm, duke analizuar pseudonimet e autorit, doli një masë shtrënguese prej një viti e gjashtë muaj për vjedhje, e lëshuar nga Zyra e Ekzekutimeve Penale e Prokurorisë së Përgjithshme pranë Gjykatës së Apelit të Romës, të cilën karabinierët eia njoftuan më pas në burg, duke e arrestuar teknikisht për herë të dytë.