Shembjet e paligjshme në Prestige Resort u bënë objekt diskutimi edhe në seancën e sotme të Kuvendit. Deputetja e PD-së, Flutura Açka replikoi me ministrin e Drejtësisë, Ulsi Manja, ku pohoi se punonjësit e resortit nuk i lanë pa përmendur vetëm të dashurat eksponentëve të maxhorancës.
Açka tha se me atë resort mbahet një media shumë prestigjioze që nuk e ka ulur asnjëherë shpinën.
“Të lutem zonjë, shko atje të lahesh në pishinë, se nuk kam fjalë me ty.”, tha Manja.
Ndërkohë Accka ia kthehu duke shtuar se: “Nëse kam ndërhyrë nga vendi kërkoj ndjesë, por ju tërheq vëmendje, në kohën që u ul zonja Zhupa pasi foli, Rama është tallur 10 minuta dhe ka bullizuar 10 minuta deputeten. Ku e gjen ky njeri kurajën të flasë nga vendi dhe madje të mos i bëni asnjë vërejtje. Ka mundësi ti bëni një vërejtje atij njeriu?
Ministri nuk ka fare pse të më përmendë pishinat, kur në fakt e thanë vetë punëtoret e resortit që kanë qenë aty njerëzit tuaj, vetëm që nuk ju treguan dashnoret, të gjitha i treguan, e lanë vetëm kafshuan gjuhën tek dashnoret. Para se të më përmendë mua pishinat, unë kam qenë atje si kryetare e komisionit të medias. Me paratë e atij resorti mbahet një media shumë prestigjioze në Shqipëri, ndër të vetmet që nuk e ka ulur shpinën para publikut. Ndaj kur të flisni për mua ejani me fakte, se ku lahem unë është çështja ime, por kur të keni fakte publike ejani.”.
and then