Ish-sulmuesi i kombëtares angleze të futbollit, Piter Krauç, është një nga personazhet e botës së sportit që merr gjithmonë një vëmendje të madhe nga mediat.
Në një intervistë së fundmi të dhënë për “Daily Mail”, 41-vjeçari tregoi eksperiencën kur takoi për herë të parë ish-legjendën e Brazilit, Ronaldo “Fenomenin”.
“Isha me pushime në Ibiza dhe e pashë në plazh. Ai ishte i zënë duke pirë birrë. Ajo që vura re ishte se kishte dhe një tavëll, të cilën Ronaldo e balanconte me bark. Kur pija i mbaroi, supermodelja që ishte me të u çua dhe i dha një tjetër. Ishte një mundësi e mirë dhe unë u prezantova”, ishin fjalët e para të Krauç.
Më pas ai shprehet: “Po shpresoja që ai të përgjigjej: ‘Ti je Krauç’. Në fakt, mendoj se ai nuk e kishte as idenë më të vogël se kush isha unë. Kështu që bëra një foto me të dhe u largova”.
Arena e Lajmit
Loading…
Loading…