Në Shënjestër/ Dokumentari -Vrasja e Erjon Xhenjes
Një nga personat e parë që u pyet në lidhje me vrasjen e Erjon Xhenjes, ishte edhe kamarieri i lokalit ku ndodhi vrasja.
Një nga shumë dëshmitarët okularë në vendngjarje.
Kamarieri i Lokalit
Por ai që i përjetoi më nga afër krismat dhe u trondit nga humbja tragjike e jetës së Erjon Xhenjes, do të ishte një nga klientët e lokalit.
I cili rrëfeu për grupin hetues edhe këtë moment të trishtë për të
Klient në lokal
Por ai që do të jepte të dhëna të rëndësishme për grupin hetues, lidhur mbi vrasjen e të birit, do të ishte babai i Erjon Xhenjes.
Personi që shikoni edhe në këto pamje filmike, vetëm pak minuta pas ekzekutimit të të birit.
Teksa i kërkon me ngulm policisë, të shikojë trupin e pajetë të djalit.
Babai i Erion Xhenjes, që dha për grupin hetues, një indicie të arsyeshme se kush mund të ishin autorët e vrasjes së djalit të tij.
I cili, edhe pse nuk hodhi akuza të drejtpërdrejta, tregoi për hetuesit, se ai kishte shkuar për të shprehur ngushëllime në familjen Çekorja.
Për humbjen në atentat të të afërmit të tyre.
Ismet Çekorja, që ishte ekzekutuar më 2 shtator 2022,
Familje, të cilat i ndanin vetëm 100 metra nga banesat e tyre.
Por që sipas babait të Erjon Xhenjes, ai ishte pritur ftohtë nga familja Çekorja.
Çka kishte rritur dyshimin te ai, se diçka nuk shkonte.
Pa e menduar, se vrasja e Ismet Çekorjas, kishte lidhje me familjen e tij.
Dhe aq më pak të dyshonte, që hakmarrja e shpejtë e tyre, do të binte mbi djalin e tij.
Babai i Erion Xhenjes
Edhe pse babai i Erjon Xhenjes e pyeti familjen e vëllait të tij, përse kjo ftohtësi nga ana e familjes Çekorja, ai nuk e mori kurrë këtë përgjigje.
Madje, ishte e habitshme mungesa e familjes së vëllait në mortin që tashmë kishte rënë në familjen Xhenje.
Por ç’lidhje kishte familja Xhenje, me vrasjen e Ismet Çekorjas?
A u kthye i riu Erjon Xhenje, në martir të një lufte të përgjakshme interesash, ku ai duket se ishte më i pafajshmi në këtë histori?
Sipas dosjes hetimore, edhe në vrasjen e të riut Xhenje, personi i parë i dyshuar, është Bajram Çekorja.
I njëjti, i cili bashkë me mikun e tij Tornato Fusha, është në kërkim nga policia, edhe për atentatin e dështuar më 25 gusht 2022, ndaj Alban Bruçit.
Policia e Shkodrës
Po përse Bajram Çekorja, qëlloi pikërisht ndaj të riut të familjes Xhenje, për të marrë hakun e babait të tij?
Cili ishte dyshimi që e brente?
Për të kuptuar edhe njëherë pse kjo vrasje, vinte në vazhdën e atyre që kishin tronditur në seri muajin e fundit Shkodrën, grupi hetues beson se vrasja e Erjon Xhenjes erdhi si hakmarrje, pikërisht për shkak të ngjarjeve të fundit.
Dosja Hetimore
Siç shikohet edhe nga dosja hetimore, vrasja e Erjon Xhenjes, dyshohet të jetë një hakmarrje e Bajram Çekorjas, ndaj djemve të xhaxhallarëve të tij.
Shkëlzen dhe Sehar Xhenje.
Dy emra të njohur për policinë e Shkodrës, të lidhur në ngjarje të mëparshme kriminale, të ndodhura në këtë qytet.
Ku thuhet që vëllezërit Xhenje, kishin lidhje shoqërore me Astmer Bilalin.
Një tjetër emër i përveçëm, i rëndësishëm, i krimit në Shkodër.
Personi që sot ndodhet në kërkim nga policia, për vrasjen e Ismet Çekorjas.
Babait të Bajram Çekorjas.
Edhe pse nuk ka prova konkrete, policia ka dyshime të forta se Shkëlzen Xhenje, është një nga personat, e përfshirë në vrasjen e Ismet Çekorjas.
Vrasje, të cilën mendohet, se ai e ka kryer për llogari të Astmer Bilalit.
Çka besohet, se ka sjellë edhe reagimin e menjëhershëm të Bajram Çekorjas, duke vrarë të afërmin e vëllezërve Xhenje.
Vrasja e Erjon Xhenjes, që thuhet se u krye në po të njëjtën dinamikë si ajo e Ismet Çekorjas.
Një mesazh i qartë ky hakmarrje nga autorët.
Të cilët, mesa duket, nuk dëshironin të linin mëdyshje, se kush ishin vrasësit dhe përse u krye krimi.
Ndërkohë që fill pas ngjarjes, policia ushtroi kontroll në banesën e personave të dyshuar për vrasjen e Erion Xhenjes, por pa mundur ti kapë ata.
Dosja Hetimore
Edhe pse policia krehu zonën dhe sekuestroi kamerat e sigurisë në lokalin ku ndodhi vrasja, ata nuk mundën të binin në gjurmët e autorëve.
Të cilët, edhe sot vazhdojnë të jenë në arrati.
Ndërkohë që grupi hetues, investigoi edhe rolin e një të riu, që dyshohet se vëzhgoi dhe informoi ekzekutorët, mbi lëvizjet e Erjon Xhenjes.
Person, i cili thuhet se u shoqërua dhe u mbajt në polici për disa orë, por që më pas u la i lirë.
Por ajo që e përjetoi edhe më shumë dhimbjen e humbjes të së birit, ishte padyshim nëna e Erjon Xhenjes.
Ajo e cila, në një dedikim të gjatë për të birin, sot kërkon jo vetëm drejtësi, por edhe ti mbrohet jeta e familjes.
E cila ndihet edhe më shumë e kërcënuar pas ngjarjeve të fundit të ndodhura në Shkodër.
Nëna e Erion Xhenjes
and then