Policia ka vënë në pranga 3 persona në cilët qarkullonin me armë zjarri me vete.
Sipas bluve, operacioni policor i koduar “Disarmament” u finalizua nga Komisariati i Policisë Vlorë dhe u vu në pranga 1 shtetas që qarkullonte me armë zjarri automatik, në qendër të qytetit. Sekuestrohet arma e zjarrit automatik.
Operacioni policor i koduar “Krane” u finalizua nga Komisariati i Policisë Sarandë dhe u vu në pranga 2 shtetas që tentuan të trafikonin lëndë narkotike, në drejtim të Korfuzit. Sekuestrohen 2.7 kg kanabis.
Po nga Komisariati i Policisë Sarandë, bazuar dhe në inteligjencën informative se një shtetas kishte qëlluar me armë zjarri në ajër, gjatë kontrollit të territorit, në vendin e ngjarjes, u gjet dhe u sekuestrua arma e zjarrit automatik. Vijon puna për vënien në pranga të autorit.