Portugezi i ka kërkuar shitjen Junajtid, Ten Hag “i mbyll derën” Ronaldos: Do të jetë me ne edhe sezonin tjetër

E ardhmja e Kristiano Ronaldos vazhdon të mbetet mister, me portugezin që nuk është stërvitur me klubin gjatë këtyre ditëve për motive familjare siç raporton Junajtid.

Lidhur me çështjen ka folur edhe vetë trajneri i ri i klubit anglez, Erik Ten Hag që ka theksuar se Ronaldo nuk është në shitje dhe është pjesë e planeve të tij për sezonin e ardhshëm.

“Kristiano Ronaldo nuk është në shitje, është në planet tona dhe nuk gjendet sot me ne sepse ka disa çështje familjare për të zgjidhur.

Kemi besim të plotë te ai edhe për sezonin e ardhshëm dhe pikë.

Nuk e di si do ta bëjë të lumtur, por mezi pres të punojë me të.”, u shpreh Ten Hag.

Arena e Lajmit