Sinjalet që Jep Trupi Kur Sheqeri në Gjak Është Tepër i Lartë

Trupi lëshon gjithmonë sinjale kur ka diçka që nuk shkon me të.

Me kalimin e kohës, këto simptoma bëhen më të shpeshta dhe ndonëse mund të duket sikur nuk kanë lidhje me njëra tjetrën, ato tregojnë praninë e një problemi.

Çfarë kanë të përbashkët shikimi i mjegulluar, shërimi i ngadaltë i plagëve dhe uria e vazhdueshme?

Në dukje, këto simptoma nuk kanë lidhje me njëra tjetrën por të treja kanë të bëjnë me nivelin e sheqerit në gjak.

Kur nivelet e sheqerit në gjak janë të larta, atëherë ato përbëjnë pikënisjen e problemeve të tjera siç është dëmtimi i enëve të gjakut, atakut në zemër, problemeve me veshkat e të tjerë.

Niveli i lartë i sheqerit në gjak mund të shkaktojë mpirje, ndjesinë e pickimit ose të djegies në duar dhe këmbë. Kjo është një simptomë e neuropatisë diabetike, një komplikacion i sëmundjes së diabetit.

Sasia jo e duhur e sheqerit në gjak e shtyn njeriun të kërkojë gjithnjë e më shumë ushqim.

Kjo ndodh sepse trupi është gjithnjë në kërkim të një burimi alternativ energjie.

Niveli i lartë i sheqerit në gjak përfundon në veshka dhe në urinë. Teksa veshkat përthithin më shumë ujë, njeriu vuan nga urinimi i tepërt. Sheqeri në veshka dhe në urinë nxit gjithashtu etjen e pashuar.

Kur qelizat nuk marrin glukozën e mjaftueshme, trupi djeg muskuj dhe yndyrna për energji. Një gjë e tillë mund të shkaktojë një rënie të beftë nga pesha. E njëjta gjë vlen edhe për shtimin në peshë.

Kur qelizat e trupit nuk janë në gjendje të kenë akses tek sheqeri në gjak për ta përdorur atë si energji, njeriu ndihet vazhdimisht i lodhur.

Kur ekuilibrat e trupit prishen, truri vuan shumë. Niveli i lartë i sheqerit në gjak shkakton vështirësi në përqendrim dhe tek kujtesa. /AgroWeb.org