SPAK zbardh akuzat/ Në kërkim për aferën e inceneratorit të Fierit, skema fiktive që përdorte Klodian Zoto për të fshehur origjinën e paligjshme të parave

SPAK ka zbardhur sot akuzat që rëndojnë ndaj biznesmenit Klodian Zoto, i cili është shpallur në kërkim për aferën e inceneratorit të Fierit.

Sipas SPAK, Zoto akuzohet se në cilësinë e aksionerit tek shoqëria “Integrated Technology Waste Treatment Fier” sh.p.k, në bashkëpunim me administratorët e shoqërisë “Integrated Technology Waste Treatment Fier” sh.p.k., kanë përdorur një skemë fiktive të kryerjes së pagesave, për të mbuluar dhe për të fshehur natyrën e vërtetë të origjinës së paligjshme të shumave monetare, natyrën e vërtetë të transferimit dhe të zhvendosjes së tyre, të cilat në të vërtetë përbëjnë “përftim të parregullt”, si rrjedhim edhe produkt të veprës penale të korrupsionit.

Këto pagesa të përfitimit të parregullt janë bërë nga shoqëria koncesionare “Integrated Technology Waste Treatment Fier” sh.p.k, nëpërmjet transaksioneve fiktive në drejtim të shoqërive “Pivot 04” sh.p.k, dhe “J.P.Y” sh.p.k.

Arena e Lajmit