Shqiptari kapet me drogë në Selanik, i gjenden çantat e ardhura nga Shqipëria, por bosh

Një shqiptar pjesë e një grupi kriminal të trafikut të drogës është arrestuar në Selanik.

Policia gjatë kontrollit të banesës ka gjetur 3 çanta të mëdha sportive me mbetje marijuane, si ato që përdoren për kalimin e drogës nga kufiri gjelbër, por bosh.

Megjithatë policia sekuestroi 1 kg 740 gram marijuanë, 3 qese me 33.5 gram kokainë, 1 pistolete me ajër, 1 jelek antiplumb, 4 peshore elektronike dhe 1 peshore mekanike, pajisje paketimi, 9000 euro dhe 3 celularë. Shqiptari 34 vjeç është arrestuar, ndërkohë në pranga kanë rënë dhe dy grekë bashkëpunëtorë 26 dhe 44 vjeç.