Mjalti është një nga ushqimet më të veçanta të natyrës.
Aq shumë delikat, i pasur në vlera dhe i shijshëm sa nuk mund të gjesh një produkt tjetër zëvëndësues.
Përtej namit të shijes së mirë, me siguri keni dëgjuar edhe për vlerat që ai i dhuron organizmit si nga jashtë ashtu edhe nga brenda.
Në këtë artikull do të tregojmë se si ky produkt mund të jetë i dobishëm për të zgjidhur një sërë problemesh bukurie.
Ndiqni mëposhtë të gjitha këshillat e AgroWeb pëw të rrezatuar me mjaltin si produkt kryesor në përkujdesin ndaj vetes.
Nëse vuani nga buzët e thata gjatë të nxehtit të verës apo të ftohtit të dimrit, kthejini sytë nga ky produkt.
Pastroni mire zonën e buzëve me pak mjaltë dhe sheqer të përzier duke e aplikuar mbi lëkurë me lëvizje rrethore.
Pasi t’i lani buzët lyejeni me pak mjaltë dhe mbajeni atë përgjatë natës.
Kjo do t’ju ndihmojë pa masë për buzë të buta e të shëndetëshme.
Aknet janë një problem që mjalti e zgjidh shumë lehtë, pasi ka veti antinflamatore.
Në zonën ku janë shfaqur aknet aplikoni pak mjaltë dhe kanellë dhe mbajeni 30 minuta gjatë ditës.
Kjo për lëkurën do të funksionojë si antibiotik natyral dhe do të largjë çdo papastërti.
Majat dyshe në flokë nuk janë aspak të pëlqyeshme dhe të vështira për t’u trajtuar.
Hiqini qafe lehtë duke përdorur një përzierje mjalti dhe vaji ulliri.
Vendoseni atë në majat e flokëve tuaj përgjatë natës ose për disa orë e më pas lajini ato si zakonisht.
Do të shikoni që flokët do të duken më të shëndetëshme kohë pas kohe.
Në një enë të thellë përzieni 1 lugë gjelle mjaltë dhe 1 lugë aloe vera.
Masën aplikojeni mbi fytyrë dhe mbajeni përgjatë natës.
Mjafton të përzieni pak mjaltë dhe limon dhe ta vendosni në zonën problematike.
Mbajeni gjatë natës dhe fytyra juaj në mëngjes do t’ju falenderojë./AgroWeb.org
and then