Tundimet për ta afruar në skuadrën e tij, Mikel Arteta i kishte që në verën e kaluar, por duke parë problemet tek Arsenali dhe faktin që sërish mbeti jashtë Ligës së Kampioneve, sivjet trajneri spanjoll e di mirë se ka nevojë që të ketë sa më shumë armë në skuadër për të tentuar situata të ndryshme gjatë sezonit.
Dhe te “Topçinjtë” e Londrës, pas afrimit të Gabriel Zhezusit, mungon pikërisht një organizator i mirëfilltë në mesfushë, cilësi këto që duket se i ofron Artur Melo, ai që në Barcelonë zbarkoi si pasardhësi i Ksavi Hernandezit, por nuk gjeti kurrë vazhdimësinë.
Por fakti që vetë Arturi kërkon të fitojë një bast me veten dhe jo më në Torino, e shtyn Artetën të provojë që t’i japë një shans juventinit dhe nga dje është rihapur tratativa mes klubeve.
Ideja e Arsenalit është ajo që të ofrojë 5 milionë euro për huazimin 1-vjeçar të Artur Melos, me të drejtë blerjeje.
Juventusi, nga ana tjetër, është gati që të shpejtojë sa më shumë që të jetë e mundur këtë mundësi, pasi braziliani nuk bën më pjesë në planet e Alegrit dhe do të ishte i kënaqur edhe me 25 milionë euro, pasi e pagoi 72 milionë kartonin e tij nga Barça.
Arena e Lajmit
Loading…
and then