Kreu i Partisë së Lirisë, Ilir Meta, ka marrë pjesë sonte në festën e organizuar me rastin e Ditës së Bashkimit të Gjermanisë.
Teksa ka ndarë dhe disa foto në rrjetet sociale, Meta shkruan se do i jemi përherë mirënjohës Gjermanisë për mbështetjen e dhënë në vazhdimësi për integrimin europian, mbështetjen ndaj sundimit të ligjit, luftës kundër korrupsionit dhe krimit të organizuar.
Postimi i plotë:
Kënaqësi të merrja pjesë sonte në festën e organizuar me rastin e Ditës së Bashkimit të Gjermanisë.
Rënia e “Murit të Berlinit” hapi jo vetëm rrugën e bashkimit të Gjermanisë por frymëzoi erën e ndryshimit në të gjithë Europën Lindore përfshirë edhe Shqipërinë. Kënaqësia është edhe më e veçantë kur je me Ylli Bodinakun guximtarin e 2 Korrikut që me Saurelin e tij theu murin e Ambasadës, që hapi dyert drejt lirisë për 3 mijë shqiptarë.
Përherë mirënjohës Gjermanisë për mbështetjen e dhënë në vazhdimësi edhe nëpërmjet “Procesit të Berlinit” për integrimin europian, për ndihmën e jashtëzakonshme për një zhvillim të qëndrueshëm social dhe ekonomik, si dhe për mbështetjen ndaj sundimit të ligjit, luftës kundër korrupsionit dhe krimit të organizuar.
and then