Analisti, Andi Bushati në emisionin ‘Open’ në News24 deklaroi se kryeministri Edi Rama po cakton se kush do të bëhet Gjykatësi i ardhshëm i Kushtetueses dhe sipas Bushatit personi në fjalë është Ardian Dvorani.
Më tej gjatë bisedës në studio, Bushati tha se drejtësia e re është në thundrën e kryeministrit Edi Rama, pra në një mënyrë apo tjetër kontrollohet nga kryeministri.
“Mendoj këtu drejtësia e re është në thundrën e Edi Ramës,. Kujtojmë rastin e Dvoranit, zoti Hyseni tha është nga gjyqtarët më të ndershëm…por ka një kontradiktë! Ose ky është gjykatës i ndershëm dhe e bëri Metën të thotë fitova 5 me 0, por ky gjyqtar i ka dhënë pafajësinë Ilir Metës. Merr vendin siç e do pushteti. Dvorani në rastin e Metës ka dhënë shembull se është gjykatës shërbëtor ekselent i pushtetit. Është i preferuari i PS për ta bërë Gjykatës Kushtetues, Rama sot po cakton gjykatësin e ardhshëm të Kushtetueses që ka dhënë prova kur gjykoi Metën…”, tha Bushati.
Hyseni: Ti ngatërron kekun me byrekun
Bushati: Një njeri që votoi pesë me zero për Ilir Metën sot po rekrutohet nga pushtetit i ri.
Hyseni: Kryeministri bëri thirrje që SPAK të funksionojë dhe tha godisni pandëshkueshmërinë. Sapo foli kryeministri na reagon SPAK sikur të jetë parti politike
Bushati: Teatër i dirigjuar.
Arena e Lajmit
