Ishte në arrest shtëpie, por shiste kokainë në rrugë, arrestohet sërish 35-vjeçari shqiptar në Itali

Një 35-vjeçar shqiptar është arrestuar sërish, këtë herë për shpërndarje dhe trafik droge.

Pikërisht për krime droge ai ishte dënuar dhe i ishte nënshtruar arrestit shtëpiak në shtëpinë e tij në via Malvasia, por mbrëmjen e djeshme policët e komisariatit Santa Viola vunë re lëvizje të çuditshme në godinë.

Disa burra që prisnin para derës së hyrjes, panë 35-vjeçarin, të cilit i ndalohej të dilte nga banesa, teksa i dorëzonte një pako ose një dozë kokaine një burri.

Kur pa oficerët, ai u përpoq të kthehej në shtëpi, por tashmë ai ishte zbuluar. Ai do të gjykohet sërish për shpërndarje droge.

Pak javë më parë u urdhërua burgimi për një shtetas kilian 36-vjeçar, i cili i kishte shpëtuar disa herë arrestit shtëpiak, por me të mbërritur karabinierët humbi mendjen: mori një brisk dhe i shkaktoi vetes plagë të shumta në krahë.