Kroaci-Itali, Dalic: Kam besim te skuadra, bëjmë ndeshje të madhe

Zlatko Dalic, tekniku i Kroacisë, u përgjigj pyetjeve të gazetarëve para ndeshjes me Italinë.

“Ne jemi gati, të gjithë janë në formë, përveç Vidës që pati një problem disa ditë më parë dhe do të jetë në dispozicion nesër. Na duhen vetëm tre pikët për të ecur përpara dhe nuk duam të kthehemi në shtëpi këtu, nuk morëm rezultatet që shpresonim dhe tani duhet të reagojmë, do të jetë një ndeshje historike, ne e dimë situatën tonë dhe ne jemi gati të luftojmë”.

Spaleti tha se Kroacia ka një cilësi të madhe dhe se ndeshja e nesërme do të jetë një ndeshje taktike, a mendoni edhe ju kështu?
“Së pari e përgëzoj për rezultatet e tij, për titullin me Napolin, ai bëri shumë mirë. Ne e dimë që skuadrat italiane janë taktike dhe sigurisht që do ta shohim nesër. Ata kanë nevojë vetëm për një pikë dhe ne do të përpiqemi të jemi të qetë dhe të mos nervozohemi, të mos vuajmë lojën e skuadrës tjetër, gjithçka është e mundur dhe ne jemi gati”.

Çfarë ka ndryshuar në krahasim me Kroacinë që luan Kupën e Botës në Katar?
“Ne nuk e nisëm me këmbën e djathtë dhe këtu pranojmë shumë gola. Në fazën e grupeve pranuam vetëm një gol atëherë, këtë herë tashmë kemi pesë. Me atë rast e kishim Perisiçin në formë të shkëlqyer, lojtarët janë tre vjet më të mëdhenj dhe kemi kundërshtarë shumë të fortë, problemi kryesor është se kemi filluar të pranojmë shumë gola”.

Është ndeshja juaj e parë vendimtare në fazën e grupeve për shumë vite. A e ndjeni këtë presion?
“Sigurisht që ka një presion sepse ideja ishte të kalonim grupin dhe të gjendemi në një situatë tjetër. Ka një presion për shkak të rezultateve që kemi pasur deri më tani, por ne jemi gati dhe pastaj duam t’u japim kënaqësi të shumtëve. Tifozët që na mbështesin do të vijnë të na mbështesin, varet nga ne”.

E keni parë Italinë kundër Spanjës?
“Për mendimin tim ne nuk e pamë Italinë e vërtetë në atë ndeshje, nuk e prisja dhe as ata nuk e prisnin. Por kjo nuk është Italia e vërtetë, sigurisht jo”.

Spaleti tha se do të ndryshojë, si do të përpiqeni ta vendosni në vështirësi Italinë?
“Nuk mendoj se do të ndryshojë shumë përsa i përket taktikave, e di paksa metodën e tij të lojës që nga Napoli. Ai do të vendosë, por kjo nuk më intereson, duhet të përqendrohem në faktin se Kroacia është më e mirë. Presim një formacion pak a shumë të ngjashëm në krahasim me ndeshjet e fundit, ndoshta 1-2 lojtarë do të ndryshojnë, por duhet të mendojmë për veten dhe të bëjmë mirë sidomos në fazën mbrojtëse”.

A ndjeni një aftësi të veçantë për të qenë në gjendje ta vendosni Italinë në vështirësi?
“Ne mund të luajmë ndeshjen tonë kundër Italisë dhe kështu e fitojmë ndeshjen. Italisë i duhet një pikë, ne kemi nevojë për fitoren. Ne ende presim një Itali agresive, por unë besoj në lojtarët e mi dhe në aftësinë e tyre që të jenë në gjendje të luajnë edhe ndeshje kundër Italisë”.