Berat Gjimshiti, qendërmbrojtësi i përfaqësueses tonë është duke zhvilluar padyshim sezonin më të mirë të karrierës së tij. Jo vetëm duke qenë titullar i padiskutueshëm, si tek kombëtarja jonë kuqezi dhe tek formacioni i Atalantës, por sezoni i tij kulmoi me ngritjen e trofeut si kapiten i zikaltërve në Dublin, pas suksesit 3-0 të Atalantës ndaj Bayer Leverkusenit.
Por ky sezon mund të konsiderohet si sezoni i rekordeve për Gjimshitin, sa i takon prezencave të tij.
Në Serinë A me Atalantën ka qenë në fushë në 37 ndeshje me plot 2832 minuta, në Kupën e Italisë në 5 ndeshje (450 minuta), në Ligën e Europës 12 ndeshje (1044 minuta) dhe me 12 ndeshje mes eliminatoreve, miqësoreve dhe Europianit (1036 minuta).
Pra, Gjimshiti në sezonin 2023- 2024, pa përfshirë ndeshjen e sotme, ka qenë në fushë në plot 66 ndeshje.
and then