Gazetari Arbër Hitaj dhe deputetja e PD-së Ina Zhupa kanë zhvilluar një debat në emisionin Open në News 24 në lidhje me përplasjet e sotme në parlament.
Hitaj tha se nuk është me një opozitë, që gjuan me grushte. Ndërsa Zhupa u shpreh se dhuna e pushtetit do një përgjigje me forcë.
Arbër Hitaj: Protesta është një gjë e drejtë që mund ta bëjë opozita ose organizata të tjera joqeveritare. Por të shtysh tjetrin është e papranueshme. Jam me gazetarët sepse janë paqësore. Noka atje në pamje nuk është paqësor. Flamur Noka nuk është fare i qetë. Dhuna nuk është zgjidhje.
Ina Zhupa: Flamur Noka thjesht qëndronte. Çfarë duhet të bëjë opozita, kur rregullorja griset dhe kur çohet në burg një deputet, që nuk ka bërë korrupsion? Situata është e rëndë e s’mund të ketë normalitet. Dhunës së pushtetit do i përgjigjesh me forcë.
Arbër Hitaj: Kjo nuk është protestë për Kushtetutën. Është protestë për të ngritur moralin e militantëve. Salianji është në burg për fabrikim faktesh. Një opozitë që gjuan me grushte nuk e mbroj dot. Dhunës së elefantit do i përgjigjesh me zgjuarsi e jo me forcë.
(Arena e Lajmit)
and then