Kryeministri Edi Rama është shfaqur mbrëmjen e sotme në stadiumin Air Albania ku po ndjek nga afër ndeshjen Shqipëri- Çeki, e vlefshme për Nations League.
Kreu i qeverisë duket se ka zgjedhur të ndjekë nga afër sfidën, i shoqëruar nga një tjetër anëtar i kabinetit të tij, ministri i Jashtëm Igli Hasani.
Po ashtu pranë Ramës shfaqet edhe presidenti i Federatës Shqiptare të Futbollit, Armand Duka.
I pozicionuar në tribunën VIP të stadiumit “Air Albania” kryeministri Rama nuk ka munguar në këtë sfidë kaq të rëndësishme për kombëtaren kuqezi.
Në stadiumin e tejmbushur, ku biletat janë shitur të gjitha një muaj më parë, Federata Shqiptare e Futbollit ka bërë të ditur se do të jenë të pranishëm afro 22 mijë tifozë.
and then