Intensifikim të marrëdhënieve mes KLSH dhe institucionit homolog të Zyrës Shtetërore të Auditimit të Maqedonisë së Veriut në funksion të ndarjes së eksperiencës për kryerjen e auditimeve cilësore dhe nxitjes së përgjegjshmërisë, transparencës dhe përmirësimit të shërbimeve publike.
Kjo u theksua gjatë takimit të Kryetarit të KLSH, Arben Shehu, me Zv. Kryeministrin e Republikës së Maqedonisë së Veriut Arben Fetai dhe delegacionin e tij shoqërues, Agim Mahmuti, shef kabineti i Zv. Kryeministrit dhe Bardha Nasufi, këshilltare e kabinetit, si dhe ambasadorin e Republikës së Shqipërisë në RMV Denion Mejdani.
Kryetari i KLSH-së falenderoi Arben Fetai për vizitën, dhe shprehu vlerësimet më të larta për bashkëpunimin aktual me Republikën e Maqedonisë së Veriut.
Fetai ndau në këtë takim sfidat me të cilat përballen institucionet, duke u ndalur tek rëndësia e parandalimit dhe luftës kundër korrupsionit, si dhe roli i institucioneve në përgjithësi, dhe institucionit suprem të auditimit në veçanti.
Në përfundim të takimit, Kryetari i KLSH dhe zv Kryeministri Fetai shprehën angazhimin e përbashkët për vijueshmërinë e bashkëpunimeve në të ardhmen, të konkretizuara me projekte për fushat prioritare të vlerësuara me rëndësi të veçantë.
and then