Klodiana Lala ka zbuluar detaje të reja nga hetimet për vrasjen e biznesmenit Eduart Reçi më 13 nëntor, pranë banesës dhe pallatit të tij me një plumb në kokë. Krim i cili dyshohet se është kryer nga Oficeri i Policisë Gjyqësore, Shkëlqim Duka në bashkëpunim me vëllanë e tij Florian Duka.
Në “Open”, në News24, Lala tha se nga mënyra e vrasjes u dyshua se qitësi ishte profesionist, ndërsa shtoi se përveç sendeve që u gjetën në garazhin e vëllezërve, efektivin e tradhtoi fotoja e një arme në celular që ishte e njëjtë me armën me të cilën u qëllua biznesmeni.
“Mënyra sesi ishte kryer linte të kuptohej se ishte profesionist dhe rezultoi se ishte oficer policie. Pozicioni nga ishte zgjedhur tregohej qartë se e dinte që nuk do të linte pamje filmike dhe përzgjedhja e vendit, pas kameras.
Shkëlqim duka është OPGJ dhe duket se e tradhtoi… përveç sendeve në garazhin e tyre, në telefonin e tij është gjetur fotoja e një armë e të njëjtit kalibër dhe lloji me atë që u qëllua Reçi.
Motivi dyshohet me biznesin, Reçi po mendonte të merrte leje për ndërtimin e një pallati. Prona e Recit ishte kufitare me vëllezërit Duka dhe këtu ka nisur konflikti i fortë mes tyre. Ka qenë një konflikt i sinjalizuar më herët, mesa duket i pa hetuar nga autoritetet dhe solli vrasjen e Reçit”, tha Lala në emisionin Open.
()
and then