Analisti Fatos Lubonja në emisionin “Open” në News24 tha se ne jemi në politikën e fasadës, që është politika që di të bëjë më mirë Edi Rama.
Duke folur për vendimin e SPAK që mori të pandehur ish-Kryeministrin Sali Berisha, Lubonja tha se amerikanët duhet të na thonë a është rrezik për demokracinë apo edhe për amerikanët, kreu i PD-së që ka 10 vjet që ka ikur.
“Dosja ‘Partizani’, nëse e marrim si standard, ditë për ditë mund të merret i pandehur Edi Rama se ka miratuar ligje e ka ndryshuar ligje. Kemi të bëjmë me një operacion fasade nga njëra anë dhe interesa amerikane që e mbështesin në këtë rast.
Në kohën e PD-së është bërë korrupsion, ka pasur edhe krim që ka bërë gjëra. Por çështja është këta që janë sot në pushtet a do të hetohen? Sistemi po ecën, po fuqizohet dhe po i shkakton një dëm të madh Shqipërisë”, tha Lubonja.
Ai tha se edhe sikur Jezu Krishti të vijë dhe të formojë një parti në Shqipëri, sërisht Edi Rama do të fitojë.
and then