Garda Civile ka arrestuar tre persona përgjegjës për një plantacion marijuanë me më shumë se 2,000 bimë në një pronë rurale të vendosur në qytetin Biel të Zaragozës. Ky operacion, i quajtur “Bielepok” nisi në muajin korrik, si rezultat i hetimeve të kryera nga specialistë të Grupit të Policisë Gjyqësore dhe ekipit Roca të Ejea de los Caballeros, nëpërmjet të cilave u morën prova për ekzistencën e një plantacioni marijuane, në një pronë rurale që ndodhet në komunën e Bielit.
Gjatë përpjekjeve të kryera nga agjentët u konstatua se, në parcelën në pronësi private dhe të rrethuar, ishte fshehur një plantacion i madh kanabisi, i vështirë për t’u zbuluar nga jashtë për shkak të natyrës së harlisur të tokës që e rrethonte.
Plantacioni kishte infrastrukturën e nevojshme për të furnizuar bimët me ujë, ku ishin isntaluar sisteme vaditjeje të shpërndara në të gjithë fermën.
Si rezultat i këtij operacioni, mëngjesin e datës 18 tetor, Garda Civile ka vëzhguar sesi disa automjete janë larguar nga prona dhe kanë marrë drejtime të ndryshme, duke ruajtur masat përkatëse të sigurisë.
Nisur nga këto fakte dhe dyshimi se personat që banonin transportonin marihuanë, janë ndjekur menjëherë për t’i përgjuar. Gjatë operacionit, një nga furgonët ka tentuar të ikë me shpejtësi të madhe, duke mos përfillur udhëzimet e agjentëve dhe ka tentuar të godasë mjetin e policisë.
Nisur nga këto ngjarje, njoftimi i menjëhershëm i është dhënë Njësisë Ajrore, Shërbimit Kinologjik dhe Bërthamës së Rezervës, duke vendosur një pajisje për mbylljen e zonës për gjetjen e të dyshuarve.
Pas arrestimeve, policia ka kontrolluar zonën ku zbuloi edhe plantacionin e kanabisit. Brenda parcelës ndodhej një magazinë që ishte përgatitur për tharjen e kanabisit, me makineri për të përfunduar procesin e prodhimit të lëndës. Në këtë objekt janë gjetur mbi 800 bimë në proces tharjeje.
Tre të arrestuarit, të gjithë meshkuj, me kombësi shqiptare dhe peruane, u akuzuan për krim kundër shëndetit publik për trafik droge dhe njëri prej tyre akuzohej edhe për një vepër tjetër të sulmit ndaj agjentit të Autoritetit. Pas daljes para gjykatës, është urdhëruar pranimi i këtyre tre personave në IEVP Zuera.
and then