Nuk ishte padyshim rikthimi që do të donte Xabi Alonso, në stadiumin që ka qenë shtëpia e tij e dytë për 5 vite. Skuadra e tij Bayer Leverkusen u mund thellë 4-0 në “Anfield Road”, nga një Liverpool i papërmbajtshëm. Sfida ishte e ekuilibruar vetëm në fraksionin e parë, pasi me fillimin e pjesës së dytë do të niste edhe show i “Reds-ave”. Luiz Dias ishte në mbrëmjen e tij më të mirë teksa realizoi një tripletë në portën e “aspirinave”, ndërkohë Gakpo realizoi edhe golin e dytë me kokë për Liverpool.
Më shumë se i lumtur natyrisht ishte trajneri holandez Arne Slot për këtë sukses të skuadrës së tij ndaj ekipit gjerman: “Jam i lumtur me atë ç’ka skuadra dha në këtë mbrëmje. Falenderoj Klopp që krijoi korin për mua dha padyshim të gjithë tifozët e Liverpool që ma kënduan sot. Më bënë të ndihesha shumë special. Gjithashtu më vjen mirë edhe për pritjen e ngrohtë që i bënë Alonsos, ai e meriton sepse i ka dhënë shumë këtij klubi. Arriti të na vendoste në vështirësi gjatë pjesës së parë me mënyrën e tij të lojës”.
Ndërkohë rikthim i hidhur ishte ky për Xabi Alonson, që e kometoi kështu ndeshjen e të tijëve ndaj Liverpool: “ Mu rezervua një pritje shumë e ngrohtë, dua t’i falënderoj tifozët e Liverpool, kjo tregon lidhjen që unë kam me këtë klub. Por do më pëlqente që në fund të kishim arritur një tjetër rezultat. Në pjesën e dytë u transformuam, nuk kontrolluam më po njësoj topin siç bëmë në 45 minutat e para. Është e vështirë të pranosh një rezultat të tillë, por kjo është Champions League, ky është “Anfield Road”.
Me këtë fitore Liverpool tashmë kryeson jo vetëm Premier League por edhe Championsin, me 12 pikë të plota, ndërsa “Aspirinat” e Bayer Leverkusen mbeten në vendin e 11 me 7 pikë.
and then