Dita e Alfabetit, ministri Hasani uron shqiptarët me mënyrën e veçantë, publikon letra të vogëlushëve në diasporë për gjyshërit: Asgjë nuk tingëllon më bukur

Ministri i Jashtëm Igli Hasani ka zgjedhur një mënyrë të veçantë për të uruar shqiptarët për ditën e Alfabetit të Gjuhës Shqipe.
Në një video të shpërndarë në rrjetet sociale, dëgjohen zërat e vogëlushëve shqiptarë të cilët jetojnë jashtë vendit, që lexojnë letra të shkruara në gjuhën amtare për gjyshërit që janë në Shqipëri.

“E dashur gjyshe, më ka marrë shumë malli”.

“Ne shqiptarët që jetojmë jashtë shtetit kemi shumë mall për vendin tonë”.

“E dashur gjyshe, më ka marrë shumë malli. Për 5 ditë mbush tetë vjeç dhe do të doja ta festonim bashkë në Shqipëri”.

“Tani që jetoj në Francë për më shumë se 10 vjet e kuptoj që pushimet në Shqipëria janë të mrekullueshme. I kam kërkuar mamit dhe babit të të marrin një biletë që të vish në Lion e të kalojmë kohë bashkë”.

“Nëna, gjyshi, ju dua shumë”.

Këto janë disa nga letrat e shkruara nga vogëlushët në diasporë.
“Asgjë nuk tingëllon më bukur sot në Ditën e Alfabetit, se këto fjalë të fëmijëve të diasporës për të dashurit e tyre në atdhe”, shkruan në postim ministri Hasani.

()