Biznesmeni 52-vjeçar Eduart Reçi, u qëllua për vdekje më 13 nëntor në rrugën “Faik Konica” pas një konflikti të ashpër mbi pronësinë e një trualli.
Nga veprimet hetimore të kryera ka rezultuar se Reçi po angazhohej për të ndërtuar një pallat, ndërtimi i të cilit kërkonte bashkëpunim dhe dakortësim edhe me persona të tjerë (kufitar me pronën e viktimës).
Sipas asaj që kanë zbuluar hetimet e deritanishme, pallati që Reçi po përpiqej të ndërtonte ndodhej në një zonë kufitare me pronën e dy vëllezërve, Shkëlqim dhe Florjan Duka, të cilët, sipas hetimeve kishin konflikt mbi pronësinë e truallit.
Policia arrestoi dy vëllezërit Duka si autorët e dyshuar të vrasjes dhe i akuzon për “Vrasje me paramendim” dhe “Mbajtje pa leje dhe prodhimi armësh”. Gjatë hetimeve ndaj tyre, u gjetën prova të rëndësishme, përfshirë armë dhe pajisje për prodhimin e silenciatorëve, në shtëpitë dhe lokalin e dy vëllezërve.
and then